बी डिव्हिलियर्सवर रबाडाबरोबर वांशिक भेदभाव केल्याचा आरोप

दक्षिण अफ्रिकेचा माजी कर्णधार एबी डिव्हिलियर्सवर वेगवान गोलंदाज कागिसो रबाडाबरोबर वांशिक भेदभावाचा आरोप झाला आहे.

बी डिव्हिलियर्सवर रबाडाबरोबर वांशिक भेदभाव केल्याचा आरोप
AB de Villiers News

बी डिव्हिलियर्सवर रबाडाबरोबर वांशिक भेदभाव केल्याचा आरोप

दक्षिण अफ्रिकेचा माजी कर्णधार एबी डिव्हिलियर्सवर वेगवान गोलंदाज कागिसो रबाडाबरोबर वांशिक भेदभावाचा आरोप झाला आहे.

दक्षिण अफ्रिकेचा माजी कर्णधार एबी डिव्हिलियर्सवर वेगवान गोलंदाज कागिसो रबाडाबरोबर वांशिक भेदभावाचा आरोप झाला आहे. करिअरच्या सुरुवातीला रबाडाला राष्ट्रीय टीमपासून दूर करावं, अशी डिव्हिलिर्सची अपेक्षा होती, असा एबीडीवर आरोप आहे. आपल्यावरती लावलेल्या या आरोपांचं एबीडीने खंडन केलं आहे. माझा सल्ला संघाच्या भल्यासाठी होता.(AB de Villiers News)

डिव्हिलियर्सचं स्पष्टीकरण दक्षिण अफ्रिकेच्या सामाजिक न्याय आणि राष्ट्र-निर्माणाच्या सुनावणीवेळी दक्षिण अफ्रिकेचे माजी सिलेक्टर हुसेन मनेक यांच्या आरोपानंतर आले.मानेकने डिव्हिलियर्सवर वांशिक आधारावर निर्णय घेतले गेल्याचा आरोप लावला. आरोपांना उत्तर देताना डिव्हिलियर्सने रबाडाला क्रिकेटच्या दुनियेतील सर्वोत्तम बोलर्स म्हटलं. डिव्हिलियर्सने ईएसपीएन क्रिकइन्फोशी बोलताना म्हटलं.

मला कधीच असं वाटलं नाही की रबाने राष्ट्रीय संघाबाहेर रहावं किंवा जावं. हा विचारच मुळात हास्यास्पद आहे. तो जागतिक क्रिकेटमधील एक गुणी आणि सर्वोत्तम बोलर आहे.रबाडाला 2015 च्या भारत दौऱ्यात एकही मॅच खेळायला मिळाली नाही. मी एक दिवस अगोदर प्रॅक्टिससाठी गेलो होतो. कायल एबॉट आणि हार्डस विलजोएमन यांच्यापैकी कुणाला खेळवायचं, अशी चर्चा तेव्हा सुरु होती. त्यावेळी रबाडाला वगळलं जावं, असं टीम मॅनेजमेंटने सांगितलं.

तेव्हा त्याला कोणत्या आधारावर बाहेर बसवायचं, असं मी विचारलं. तर त्याच्या हातून योग्य प्रकारे बॉल सुटत नसल्याचं सांगितलं गेलं. त्यावेळी रबाडा 20 वर्षांचा होता. एक दर्जेदार खेळाडू म्हणून त्यावेळी त्याने आपलं त्यावेळी कमवलं नव्हतं.आपल्या डेब्यूच्या सहा वर्षांनंतर, रबाडाने स्वत:ला तिन्ही फॉरमॅटमध्ये दक्षिण अफ्रिकाचा विकेट टेकर बोलर म्हणून सिद्ध केलं आहे. रबाडाने 47 टेस्ट, 79 एकदिवसीय आणि 32 टी 20 इंटरनॅशनलमध्ये अनुक्रमे 213, 122 आणि 96 विकेट घेतल्या आहेत.(AB de Villiers News)

रबाडाने दक्षिण अफ्रिकेसाठी आंतरराष्ट्रीय करियरमध्ये 1000 पेक्षा अधिक रन्स देखील केले आहेत.