Paytm IPO लाँच केल्याने 20 हजार तरुणांना नोकऱ्या मिळणार

Paytm च्या जाहिरातीनुसार, फील्ड सेल्स एक्झिक्युटिव्हना मासिक वेतन आणि कमिशनमध्ये 35,000 रुपये आणि त्याहून अधिक कमावण्याची संधी असेल.

Paytm IPO लाँच केल्याने 20 हजार तरुणांना नोकऱ्या मिळणार
Paytm IPO

Paytm IPO लाँच केल्याने 20 हजार तरुणांना नोकऱ्या मिळणार

Paytm च्या जाहिरातीनुसार, फील्ड सेल्स एक्झिक्युटिव्हना मासिक वेतन आणि कमिशनमध्ये 35,000 रुपये आणि त्याहून अधिक कमावण्याची संधी असेल.

डिजिटल पेमेंट आणि वित्तीय सेवा कंपनी पेटीएमने व्यापाऱ्यांना डिजिटल माध्यमाचा अवलंब करण्यासाठी प्रशिक्षण देण्यासाठी भारतभर सुमारे 20,000 क्षेत्र विक्री अधिकारी नियुक्त करण्याची प्रक्रिया सुरू केलीय. विश्वसनीय सूत्रांच्या हवाल्यानं ही माहिती मिळालीय.नोकरीशी संबंधित पेटीएमच्या जाहिरातीनुसार, फील्ड सेल्स एक्झिक्युटिव्हना मासिक वेतन आणि कमिशनमध्ये 35,000 रुपये आणि त्याहून अधिक कमावण्याची संधी असेल.(Paytm IPO)

कंपनीला तरुण आणि पदवीधरांना एफएसई म्हणून नियुक्त करायचे आहे. ही संधी त्या लोकांसाठी आहे, ज्यांनी 10 वी, 12 वी उत्तीर्ण केलीय किंवा पदवीधर आहेत. यामुळे छोट्या शहरांमध्ये रोजगार निर्मितीस मदत होईल, विशेषत: ज्यांनी कोरोना साथीच्या काळात नोकऱ्या गमावल्या आहेत, त्यांना दिलासा मिळण्याची शक्यता आहे.


पेटीएमचा ऑक्टोबरपर्यंत 16,600 कोटी रुपयांचा आयपीओ आणण्याचा मानस आहे. सूत्रांनी सांगितले की, कंपनीला लवकरात लवकर आपला आयपीओ बाजारात आणायचा आहे. तो ऑक्टोबरपर्यंत येऊ शकते. कंपनीने 15 जुलै रोजी भारतीय सिक्युरिटीज अँड एक्स्चेंज बोर्ड ऑफ इंडिया  कडे IPO साठी मसुदा कागदपत्रे सादर केली आहेत.वन 97 कम्युनिकेशन्सने दाखल केलेल्या प्रस्तावित मसुद्यात पेटीएमचे मूल्य 16 अब्ज डॉलर आहे. 


आयपीओमधून मिळालेल्या 4,300 कोटी एवढ्या उत्पन्नातून कंपनी ग्राहक आणि व्यापारी यांच्या अधिग्रहणातून पर्यावरण व्यवस्था मजबूत करण्याचा प्रयत्न करेल. या व्यतिरिक्त कंपनी इतर व्यावसायिक उपक्रम आणि अधिग्रहणांवर 2,000 कोटी रुपये खर्च करेल.पेटीएमच्या आयपीओमध्ये 75 टक्के पात्र संस्थात्मक खरेदीदारांसाठी  राखीव आहे. यामध्ये अँकर गुंतवणूकदारांसाठी 60 टक्क्यांपर्यंत सुरक्षित ठेवता येईल. निव्वळ ऑफरचा 15% गैर-संस्थात्मक गुंतवणूकदारांना वाटप केला जाऊ शकतो.(Paytm IPO)

किरकोळ गुंतवणूकदारांसाठी 10% आरक्षित केले जाऊ शकते.