पुणे महापालिका निवडणूक,कधी होणार निवडणूक?

पुणे, पिंपरी चिंचवडसह राज्यातल्या 18 महानगरपालिकांमध्ये 'एक प्रभाग एक नगरसेवक' पद्धतीनुसार आगामी निवडणुका होणार आहेत.

पुणे महापालिका निवडणूक,कधी होणार निवडणूक?
Pune Municipal Corporation election

पुणे महापालिका निवडणूक,कधी होणार निवडणूक?

पुणे,  पिंपरी चिंचवडसह  राज्यातल्या 18 महानगरपालिकांमध्ये 'एक प्रभाग एक नगरसेवक'  पद्धतीनुसार आगामी निवडणुका होणार आहेत.

पुणे, पिंपरी चिंचवडसह  राज्यातल्या 18 महानगर पालिकांमध्ये  ‘एक प्रभाग एक नगरसेवक’  पद्धतीनुसार आगामी निवडणुका होणार आहेत. राज्य निवडणूक आयोगाने यासंदर्भात अध्यादेश काढला आहे. त्यामुळे लवकरच राज्यात महापालिका निवडणुकांचं बिगुल वाजण्याची शक्यता आहे. सोबतच कच्च्या प्रभाग रचनेचा आराखडा तयार करून निवडणुक प्रक्रियेच्या तयारीला लागण्याचे आदेशही संबंधित महापालिका प्रशासनाला निवडणूक आयोगाने दिले आहेत.राज्यात फेब्रुवारी 2022 मध्ये महापालिकांच्या निवडणुका होण्याची शक्यता आहे. त्यामुळे आयोगाकडे काही महिन्यांचाच अवधी शिल्लक आहे.(Pune Municipal Corporation election)

अशा परिस्थितीत मुदतीत निवडणुका घेण्यासाठी उद्यापासूनच प्रभाग रचनेचं काम हाती घेण्याच्या सूचना करण्यात आल्या आहेत. यासाठी महापालिकांच्या हद्दीत नव्याने समाविष्ठ करण्यात आलेल्या किंवा वगळण्यात आलेल्या क्षेत्रांचा विचार करून प्रभाग आखण्याच्या सूचना महापालिका प्रशासनाला करण्यात आल्या आहेत. यासोबतच प्रभाग रचना, त्यावरच्या हरकती-सूचना, आरक्षण सोडत ही सगळी प्रक्रिया पूर्ण झाल्यानंतर निवडणुकीचा कार्यक्रम जाहीर केला जाणार आहे.

निवडणूक आयोगाने पुणे आणि पिंपरी चिंचवडसह राज्यातल्या 18 महानगरपालिकांमध्ये एक प्रभाग एक सदस्य पद्धतीनुसार निवडणूक होईल असं स्पष्ट केलं आहे. 2021 ची जनगणना झाली नसल्याने 2011 च्या जनगणनेनुसारच ही प्रभाग रचना केली जाणार आहे. एका प्रभागात सरासरी 21 हजार 423 मतदार असणार आहेत. आयोगाच्या निकषानुसार किमान मतदारांची संख्या ही सरासरीच्या 10 टक्के कमी आणि कमाल मतदारांची संख्या सरासरीच्या 10 टक्के जास्त असू शकतात. त्यानुसार एका प्रभागात कमीत कमी 19 हजार 221 मतदार तर जास्तीत जास्त 23 हजार 565 मतदार असू शकतात.

प्रभाग रचनेनुसार प्रभागाची सीमा ठरवताना काही सूचना करण्यात आल्या आहेत. त्यानुसारच प्रभाग रचना केली जाणार आहे. यामध्ये मोठे रस्ते, गल्ल्या, नद्या, नाले, डोंगर, रस्ते उड्डाणपूल या यांच्या नैसर्गिक मर्यादा लक्षात घेण्याच्या सूचना करण्यात आल्या आहेत. यासोबतच एका इमारतीचे किंवा एका घराचे, एका चाळीचे दोन प्रभागात विभाजन होणार नाही याची काळजी घ्या असं सांगण्यात आलं आहे. मोकळ्या जागांसह सर्व सार्वजनिक जागा या कोणत्या ना कोणत्या प्रभागात यायला हव्यात.(Pune Municipal Corporation election)

शिवाय प्रभाग रचना करताना रस्ते, नद्या, नाले, सिटी सर्व्हे यांच्या नंबरला उल्लेख करणं गरजेचं आहे.